Reforma Zgjedhore! DAKORTËSI PËR TË MOS U DAKORTËSUAR! Drejt dështimit të qëllimshëm!

Afatet e kryerjes së kësaj reforme po kalojnë.

Palët përcaktuese për ndryshime në Kodin Zgjedhor akoma nuk janë shprehur konkretisht për ndryshim të sistemit zgjedhor e ndryshime të tjera në kod e gjithashtu as për miratimin e rekomandimeve të OSBE/ODIHR.

PLL, ka në tryezën e këtij komisioni si edhe i ka bërë publike propozimet e veta,

-Të mos lejohet kandidimi i ish punonjësve dhe bashkëpuntorëve të ish-sigurimit.

-Të lejohet që çdo parti koalicioni të ketë listat e veta të veçanta me kandidatë.

-Sistem proporcional kombëtar.

-Lista të hapura të kandidatëbve.

-Votë e diasporës

-Numërim dhe votim elektronik.

Ne mendojmë se çdo parti opozitare dhe opozita në tërësinë e vet duhet të unifikojnë mendimet dhe propozimet e veta në lidhje me këtë reformë dhe të jenë të qartë se çfarë presin e kërkojnë prej saj.

Ndryshe të gjitha ato që po shihen, dëgjohen e kuptohen deri tani, kanë vetëm një emër, DAKORTËSI PËR TË MOS U DAKORTËSUAR, përpjekje për të mbajtur peng sistemin zgjedhor si edhe ka ndodhur prej shumë vitesh, kjo në dëm të pluralizmit e demokracisë për të cilat sot më tepër se kurrë vendi ynë ka nevojë.