Ish-ministri hedh poshtë deklaratat e Elias se Princi ka diplomë të falsifikuar
Ish-ministri i Brendshëm, Dritan Demiraj, i ka dalë në mbrojtje Princ Lekës, i cili po përballet me një situatë delikate në familje.
Pasi Princ Leka II Zogu dhe ish-bashkëshortja Elia Zaharia denoncuan njëri-tjetrin për dhunë, Demiraj, përmes një postimi në rrjetet sociale, e përshkruan princin si prind të përkushtuar dhe djalë besnik. Ish-ministri hedh poshtë edhe akuzat e Elias se Princi nuk diplomë.
“Me Princ Lekën kam miqësi të ngushtë familjare për më shumë 22 vite. Gjithashtu, kam patur privilegjin që të punoj ngushtë më shume se 5 vjet në familjen mbretërore.
Te Princ Leka, krejt ndryshe nga shumë të njohur të tjerë, kam parë një djalë super të edukuar dhe të mençur. Një prind të përkushtuar si askush tjetër, një djalë shumë besnik dhe të përkushtuar ndaj familjes, shokëve dhe me dashuri të madhe ndaj Kombit Shqiptar“, shkruan Demiraj.
